ایکلیزیا کارڈیا

نظام انہضام کے امراض اور ہومیوپیتھی ڈاکٹر رضوان ثاقب BHMS 03037578803 چودھویں قسط ایکلیزیا کارڈیا chalasiaA Cardia خوراک کی نالی کا اعصابی اور عضلاتی مرض اس مرض میں خوراک کی نالی کی خودکار لہراتی حرکت (Peristalsis) متاثر ہوتی ہے اور نالی کے نچلے حصے کا والو (Lower Esophageal Sphincter - LES) ٹھیک سے کھل نہیں پاتا، جس کی وجہ سے خوراک اور مائع معدے میں جانے کے بجائے نالی میں اٹک جاتے ہیں۔ علامات: نگلنے میں دشواری (Dysphagia): ٹھوس اور مائع دونوں قسم کی غذا نگلنے میں تکلیف یا رکاوٹ کا احساس۔ خوراک کا لوٹنا (Regurgitation): کھایا ہوا کھانا یا پانی معدے میں پہنچے بغیر واپس منہ میں آنا۔ سینے میں درد: سینے کے درمیان میں دباؤ یا شدید جلن کا احساس۔ وزن میں کمی: بار بار نگلنے کی تکلیف کی وجہ سے خوراک کم ہونا اور وزن گھٹنا۔ رات کے وقت کھانسی: لیٹنے پر نالی سے خوراک کا سانس کی نالی میں جانا اور دم گھٹنا یا کھانسی ہونا۔ وجوہات: خوراک کی نالی کی دیواروں میں موجود اعصابی جال (Auerbach's Plexus) کے خلیات کا تباہ ہونا۔ جسم کا اپنا مدافعتی نظام (Autoimmune Response) غلطی سے ان اعصاب پر حملہ کر دیتا ہے۔ کچھ حالات میں پرانے وائرل انفیکشنز اس اعصابی نقصان کا سبب بنتے ہیں۔ تشخیص: ایسوفیجل مینومیٹری (Esophageal Manometry): یہ سب سے حتمی ٹیسٹ ہے جو خوراک کی نالی کے دباؤ اور پٹھوں کی حرکت کو ناپتا ہے۔ بیریم سویلؤ (Barium Swallow X-ray): ایکس رے میں نالی کا نچلا حصہ پرندے کی چونچ کی طرح تنگ (Bird’s beak appearance) نظر آتا ہے۔ انڈوسکوپی (Endoscopy): نالی کے اندرونی حصے کا معائنہ تاکہ کسی اور قسم کی ساخت کی رکاوٹ کو مسترد کیا جا سکے- علاج: Baryta Carb: نالی میں لقمہ اٹکنے کا احساس، نگلنے کی شدید دشواری، بالخصوص بڑھاپے میں۔ Ignatia Amara: اعصابی تناؤ اور غم کے بعد نالی میں گولا سا اٹکنے (Globus Hystericus) کا احساس۔ | Lachesis Mutus: مائع چیزیں نگلنے میں زیادہ تکلیف ہونا جبکہ ٹھوس غذا نسبتاً آسان لگے۔ Plumbum Met: خوراک کی نالی کے پٹھوں کا فالج، شدید تنگی اور کھانا نگلتے ہی قے ہونا۔ Alumina: نالی میں خشکی اور مفلوج پن کا احساس، غذا کا نالی میں آہستہ آہستہ نیچے جانا۔ Nux Vomica: کھانے کے فوراً بعد نالی کے نچلے حصے میں شدید اینٹھن اور الٹی کی خواہش۔ Asafoetida: نالی میں نیچے سے اوپر کی طرف الٹی لہریں اور گیس کا دباؤ۔ Phosphorus: کھانا نالی میں رک کر فوراً واپس منہ میں آ جانا، ٹھنڈا پانی پینے کی خواہش۔ Cactus Grandiflorus: نالی میں تار سے کسے جانے کا احساس اور اینٹھن۔ Zincum: Met: نگلنے کے دوران نالی میں اینٹھن اور سینے کی ہڈی کے پیچھے درد۔ Gelsemium: اعصابی کمزوری کے باعث پٹھوں کا کام نہ کرنا اور نگلنے میں ہچکچاہٹ۔ Cicuta Virosa: نالی کا شدید کھنچاؤ (Spasm)، کھانا نگلتے وقت پٹھوں کا اکڑ جانا۔ Cuprum Met: نالی میں شدید دردناک اینٹھن اور پانی پیتے وقت گڑگڑاہٹ کی آواز۔ Baptisia Tinctoria: مریض صرف مائع اشیاء نگل سکتا ہو، ٹھوس غذا پر قے آ جائے۔ Condurango: نالی کی تنگی، غذا کا اٹکنا اور درد کے ساتھ قے ہونا۔ Veratrum Viride: نالی میں شدید سوزش اور کھانے کا جھٹکے کے ساتھ واپس آنا۔ Arsenicum Album: نالی میں جلن، کھانا نیچے نہ جانا اور تھوڑا تھوڑا پانی پینا۔ Lycopodium: گرم مشروبات سے نگلنے میں آسانی جبکہ ٹھنڈی چیزوں سے تنگی۔ Natrum Mur: نالی کی خشکی اور اعصابی تنگی کے ساتھ غذا کا اٹکنا۔ Causticum: نالی کے پٹھوں کی کمزوری اور فالجی کیفیت۔ Hyoscyamus Niger: گلے اور نالی کے پٹھوں کی اینٹھن جس سے مائع نگلنا دشوار ہو۔ Crotalus Horridus: نالی میں شدید درد اور ٹھوس چیزیں نگلنے میں رکاوٹ۔ Belladonna: اچانک نالی میں شدید اینٹھن، گلا خشک اور سرخ ہونا۔ Platina: نالی میں اینٹھن اور دباؤ، خاص طور پر جذباتی تناؤ کے دوران۔ Kali Carbonicum: کھانا نگلتے وقت سینے میں چبھن کا درد اور کھانا نالی میں رکنا۔ حفاظتی تدابیر : نرم، دلیہ نما اور باریک پسی ہوئی غذا استعمال کریں۔ ہر لقمے کو اچھی طرح چبا کر کھائیں۔ کھانے کے ساتھ یا بعد میں نیم گرم پانی گھونٹ گھونٹ پییں تاکہ غذا نیچے سرک سکے۔ ایک ساتھ زیادہ کھانے کے بجائے دن میں 5 سے 6 بار تھوڑا تھوڑا کر کے کھائیں۔ کھانے کے فوراً بعد ہرگز نہ لیٹیں (کم از کم 3 گھنٹے کا وقفہ رکھیں) اور سوتے وقت سرہانہ 6 سے 8 انچ اونچا رکھیں۔ زیادہ گرم، زیادہ ٹھنڈی، مرچ مصالحے دار اور تلی ہوئی اشیاء سے مکمل پرہیز کریں۔ نوٹ: علامات کی شدت اور مریض کی انفرادی حالت کے مطابق دوا کی صحیح پوٹینسی کےانتخاب کے لیے ہمیشہ ایک مستند ہومیوپیتھک ڈاکٹر سے مشورہ کرنا ضروری ہے۔ سیلف میڈیکیشن کسی صورت بھی درست نہیں، یہ نظام انہضام کے امراض اور ہومیوپیتھک علاج کی چودھویں قسط ہے اور یہ مضمون ابھی جاری ہے، اگلی قسط انشاءاللہ جلد شیئر کر دی جائے گی، میں ہومیوپیتھی کا ایک ادنیٰ طالب علم ہوں، اس مضمون میں آپ جو کمی بیشی محسوس کریں مجھے ضرور آگاہ کریں اور اگر آپ کے تجربے میں کوئی ایسی میڈیسن ہے جو اس مرض میں بہت اچھا رزلٹ دیتی ہے تو وہ بھی میرے نمبر 03037578803 پر ضرور شیئر کر دیں، میں آپ کا احسان مند ہوں گاـ